CLICK HERE FOR BLOGGER TEMPLATES AND MYSPACE LAYOUTS »

السبت، 22 نوفمبر 2008

وبرزت همســــات ..في لقائها الاول

السلام عليكم ورحمه الله وبركاته
همـ قلب واحد يجمعنا ــسات


في يوم السبت الموافق 22- 11-2008 تم الاجتماع في نقابه الاطباء في تمام الساعه الواحدة ظهرا وتم مناقشه جدول الاعمال المطروح وكان اللقاء كالتالي
- افتتاح اللقاء بخير بداية وآيات من القرآن الكريم تلتها إحدى المدونات الحاضرات

-
تم التعرف على من حضر وكانوا::
* د/ الزهراء مدونه عايشه للاصلاح
* حبيبه مدونه يوما سنلتقي
*جيلان مدونه رحاله
* مشتاقه للجنه مدونه طريق النور
*سارة البنداري مدونه انا محظورة
* ريمـــــــــا مدونه تعالي نحلم ببكرا


وشرفنا بالزيارة
المدونه بطه بكر مدونه لا والف لا
الصحفيه شيماء جمعه مدونه علشان مصر

- تم اعداد كارنيه العضويه الخاص بالاعضاء وملئ استمارات العضويه

" ID همســــــــات "
" استمارة العضوية الخاصه بهمسات "

" تم تهيئة الاعضـــــــــــــــاء الــ ID "

- تم توزيع جدول الاعمال الخاص بالرابطه

- بدأ التعريف العام بهمسااات

- تم مناقشه اهداف الرابطه كما كانت موضحه مسبقا بجدول الاعمال واستقبال تعليقات الاعضاء عليها
- تم فتح باب المقترحات حول همسات تحت عنوان ( همسات كما تتمني ان تكون )
-وكان للصلاة الاولويه - فكانت صلاة العصر -
- ثم تم استئناف العمل بعد الصلاة وبدأت المناقشات حول زمن وتاريخ اللقاء القادم

ولان همسات هي من صنع اعضائها فكان الاستبيان الذى اتاح للجميع إبداء
أرائهم حول الاجتماع الاول وتقديم همساتهم الينا " الاستنيـــــــــــــــــــــــــــــــــان "

وفي النهايه تم تلخيص ماتم الاتفاق عليه خلال مدة الاجتماع وكان كالتالي

الموضوعات التي سيتم مناقشتها بهمسات ::
المواضيع المطروحه في الاجتماعات القادمه والتى سوف تتحدد في اطار الجانب المختار من قبل الاعضاء وسيفتح باب المقترحات للمواضيع قبل الاجتماع القادم تحسبا لتجدد الامور على الساحه العامه
اشتــــــــــــــــــــــــــــــــراك الرابطــــــــة ::
- اشتراك الرابطه - ربع سنوي - قدرة 6 جنيهات
فريــــــــــق العمل بهمسات ::
- تم تحديد بعضا من فريق العمل واستئنافه للاجتماع القادم لحين استكمال العدد
المـــــــوعد القــــــــــــــــــادم ::
- الموعد القادم خلال الاسبوع الاول من اجازة نصف العلم تظرا لظروف الامتحانات
- الاجتماع القادم بنقابه الاطباء - المنصورة - طلخا والمكان قابل للتغير وفقا لرغبه ومقترحات الاعضاء
اقتراحات الاعضـــــــــــــــــــاء ::
- تم الاتفاق على وضع فقرة ثابته يعرض فيها جميع الاحداث البارزةعلي الساحه العامه
التى تمت خلال المدة مابين الاجتماعين وبالاخص مايحدث في فلسطين الشقيقه

المنســـــــــــــــــــق ::
سيتم تحديد منسق الاجتماع القادم في - كونفيرنس - سوف يتم عرض موعدة ومشاركه اعضاء الرابطه وابداء أرائهم
ـــــــــــــــــــــــــــــــــــــــــــــ

وكانت الخاتمه همساااااات اتُفق عليها وكانت حول استقبال العشر من ذى الحجه ومناقشه اوضاع اخواننا في غزة والتواصي بالدعاء والدعم المادي لهم وقد تم تخصيص جزء معين من اشتراك الرابطه لهم
ــــــــــــــــــــــــــــــــــــــــــــــــــــــــــ

كانت هذه اولي لقاءات همسات آملين ان يكون الله سبحانه وتعالي قد وفقنا لهذا العمل وتقبله منا
ونتمني بأن تستمر رابطه المحبه بين اعضاء همساتها

ولتكون همســــات جمعتنا بحق في قلب واحد

فدائمـــــــــــا :::
..
نلتقي......... لنرتقي

ـــــــــــــــــــــــــــــــــ

with our best wishes ::
Hmsat group

29 همسوا لنا:

نـارا يقول...

ماشاء الله

كنت اود الحضور ..

ولكن قدر الله وماشاء فعل !

اختلاف الاماكن قد يكون عقبة لى

نسأل الله التيسير والحضور معكن مرة أخرى

بارك الله عليكن ..

Omama Al-hosiny يقول...

كان الاجتماع الأول من وجهة نظري المتواضعة جداااااا راااااااااااااائع بجد ..

وكان العدد بالنسبة لكونه أول اجتماع ورابطة جديدة ماشاء الله كويس

والروح بين المدونات كانت جميلة اوي ماشاء الله

أسأل الله سبحانه وتعالى أن يجعل العمل هذا خالصا لوجهه الكريم

أختكم اللي بتحبكم ::: Habeba

((..همـ قلب واحد يجمعنا ـسات..)) يقول...

نـــــــــارا ::

شرفتينا بمرورك وان شاء الله ربنا ييسر

وبنقدر نشوفك الاجتماع الجــــاي . . .

دعواتك لينـــــا ... وربنا يوفقك

ونورتينـــا كتيــــــــر

أخواتك فــي ::
(( همــ قلب واحد يجمعنا ــسات ))

مشتاقه للجنه يقول...

السلام عليكم

بس نسيتى حاجه مهمه يا جيلى

ان الافتتاح تم بسندوتشات الجبنه الرومى

اصل ريما كانت تزعل لو مش قلنا


نسال الله الاخلاص والتوفيق.

بنت القسام يقول...

ههههههههههههههههه
اه ياهاجر
عندي دي معلش نسيت
دة جنبه رومي وكابتشينو وشاى سووووخن بقه
والله يابنات كان يوم رااائع بمعني الكلمه
مفيش اجمل من اللمه كدة والتعاون على الخير وان يكون عندنا هدف معين ونصمم اننا نحققه

بحبك يابت ياهاجر ياسكر انتى
يااااااارب نشوفك الاجتماع الجاى

((..همـ قلب واحد يجمعنا ـسات..)) يقول...

د/ حبيـــبة ::

شرفنــــــا وجودك معانا في الاجتمـــاع

وفعلا الروح بين البنـــات كانت عاليه جدا

ربنا يكرمهم يارب جميعا , وان شاء الله

دائمـــا المحبــــة تــــدوم

بارك الله فيــــكِ

أخواتك فــي ::
(( همــ قلب واحد يجمعنا ــسات ))

((..همـ قلب واحد يجمعنا ـسات..)) يقول...

مشتـــــاقه للجنــة ::

وعليكم السلاااااام ورحمة الله وبركاته

بالهـــــــــنا والشــــــفاء دايمــا يارب

((( حـــسابك مع ريمــــا بأة )))

وربنا يتقبل منـــا ويرزقنا الاخلاص والتقوي في القول والفعــــل

نورتينا كتـــــــــــير ياقمر

أخواتك فــي ::
(( همــ قلب واحد يجمعنا ــسات ))

Rima Alqsamia يقول...
أزال المؤلف هذا التعليق.
((..همـ قلب واحد يجمعنا ـسات..)) يقول...

جــــيلاااان ::

بجد بجد بجد كنتي منورانا كتيــر وبنشكرك

كتيــــر علي مشاركتك الفعاله في الاجتماع

وغير الاجتماع كمــــــــان وفعلا كان يوم

روعه بجد وباذن الله دائمــــا متجتمعين ع الخير

شرفتينــــــــا

أخواتك فــي ::
(( همــ قلب واحد يجمعنا ــسات ))

Rima Alqsamia يقول...

احـــم احــــم ..

السلام عليكم . . .

شفت اسمي كدا معدي منور المكان يعني
ايه ياهاجر .. مالهم الفينو والرومي يعني

مش عاجبينك ولا ايه ..دا حتي الكيلو رومي بقي بــ 42 جنيـــة .

وبعدين بقي انا قلت زمانهم كلهم خارجين من بدري ومش فطروا ولا أكلوا اي حاجه
. . . قلت اعمل واجب يعني . . . .

وبعدين بصراحه اناكنت برا البيت من الساعه 8 وخلااااص كنت شطبت

" ههههههههههههه "

وبعدين انا مش زعلت ولا حاجه ياستي تلاقيكي بس ندمانه انك مش أخدتي حاجه مع السندويتشات .. مش كدا بردوا ؟؟
____

بجد صعبتوا عليا ..وكان نفسي اغديكوا كمان . . . وبعدين يابنتي
انتي بتتكلمي في ايه .. والله كان نفسي
نكمل اليوم كمان مع بعض ..وانتوا تؤمرا .. يااااه بس كدا ؟

ربنا يكرمك ياحبيبي يارب

وايوا كدا ياجيلي ارفعي من روحي " المعدنيه "

مش تكوني زي نــــاس " هههههه"

ــــــــــــ
ربنا يجمعنا ع خير دايما
والمره الجايه .. تكون "شيدر" بلاش "الرومي" الي مزعلوكوا اوي كدا و....
.
.
أني احبكم في الله
دعواتي ليكم دايما
ولاتنسوني من صالح دعائكم
أختكم :: Rima

Unknown يقول...

سلام الله عليكم ورحمته وبركاته
وفقكم الله ويسر لكم اموركم
فقط جددوا النية باستمرار لله عزوجل
وجزاكم الله كل خير

((..همـ قلب واحد يجمعنا ـسات..)) يقول...

أخونا الفاضل ::
الفــــاتــح الجعفـــــري

وعليكم السلام ورحمة الله وبركاته ..
((وفقكم الله ويسر لكم اموركم))

.........اللهم آميـــن ........

جزاكم الله خيرا كثيرا..
أنارت هذه الاطلالة الكريمة منكم..
بوركتـم ..

اخواتك فــي ::
(( همــ قلب واحد يجمعنا ــسات ))

((..همـ قلب واحد يجمعنا ـسات..)) يقول...
أزال المؤلف هذا التعليق.
((..همـ قلب واحد يجمعنا ـسات..)) يقول...

Rima Alqsamia

الإجتماع كان منور بيكي يا جميــل ..
وكمان بالجبنــة الرومي :)

نورتينا كتيييير ..
ربنا يتقبل ويجعل كل عمل وكل خطوة في ميزان حسناتنا..
بوركتِ ..

اخواتك فــي ::
(( همــ قلب واحد يجمعنا ــسات ))

نور جديد يقول...

السلام عليكم و رحمة الله
مش عارفة اقول ازيك يا مين؟!!!!!!1
ازيكن كلكن
واضح انها ما شاء الله بدية قوية و مشرفة ربنا يديمها نعمة
التنظيم في بداية العمل جميل
ووضع اهداف جميل
و التقرير بالتنسيق ده ممتاز
و العضوات طبعاااااا جميلات
يعني في كذا حاجة جميلة الحقيقة
اعتقد الموضوع هيكون محتاج اعلام شوية
و هيكون محتاج ناس ذوي اتجاهات مختلفة
لان ده هيعمل ثراء في الافكار و المناقشات
كمان هيكون جميل بما ان من اهدافكم
التأثير في الرأي العام
فخدوا جانب الجمعيات الخيرية
بمعنى حالوا تفعلوا معاهم ادوار في المجتمع
هيفيدكم من ناحية انهم متصلين بالمجتمع فهيسهلوا عليكم حاجات كتير
و من ناحية تانية انتوا تطوروا فكرهم من ناحية العمل الخيري انه مش بس توزيع هدوم و اكل
بالعكس ده تواصل و بناء مع المجتمع
كمان من اهدافكم الارتقاء بفكر المدونات ده ممتاز
ممكن تعملوا كتاب معين تقرأوا بين كل اجتماع و الاخر
ممكن بعد فترة تبدأوا تعملوا دورات تدريبة في مجالات مختلفة في الحياة بالاتفاق مع مدربين
المهم انه بداية فعلا موفقة ما شاء الله
و ان شاء الله يشرفني المشاركة معاكم على قدر استطاعتي
بالتوفيق يارب
اهم حاجتين اوصيكم و نفسي بها قبل اي اقتراحات
اولا الاخلاص جدا لله ثم للفكرة
ثانيا لازم من الجديد دائما
دول اهم نقطتين للتأثير في الاخرين
ربنا يوفقكم يارب

طالبه الفردوس يقول...

ماشاء الله

والله بجد انا حزينه اوى انى ماكنتش موجوده
كان نفسى ابقى معاكم
لكن شكلى كده مش هعرف اشوفكوا ابدا

شكله كان اجتماع ممتاز وخططه رائعه بالاخص كارنيه العضويه ده ههههههه

ربنا يباركلكوا يارب
بس لازم تعملوا كونفرانس قريب عشان اكون معاكوا

احبكن فى الله اخواتــــــــــى

طالبه الفردوس يقول...

كمان سندويتشات جبنه رومى ياريما من غيرى
ماشى اول ما عرفت الكابتشينوا قلت ريما
هههههههه فاكره ياريما
والله كل ما اشربه بفتكرك

نفسى اشوفك قريب واشوفكوا كلكوا يابنات والله

ربنا يجمعنا فى الدنيا قبل الاخره

نور جديد يقول...

انا عاوزة اقول حاجة
انا زعلانة
زعلانة
زعلانة
انا اصلا بموت في الجبنة الرومي
ممكن اصحى من النوم فجأة افتح التلاجة اكل حتة جبنة رومي و انام تاني
اه و الله
عموما بالهنا و الشفا
مش هحقد و لا حاجة !!!!!!!!!!!!1
بس المرة الجاية عاوزة موز
بجد اهم حاجتين بقى سيبك من الاخلاص و التجديد
ركزي بس
الجبنة الرومي و الموز
ده اهم حاجة و الله ولي التوفيق
هههههههههههه

غير معرف يقول...

ماشى ياهمسات ياقلب واحد يجمعنا

بدايه موفقه

وربنا يعينكم

اسال الله لكم الاخلاص

((..همـ قلب واحد يجمعنا ـسات..)) يقول...

فنانتنا / نور جديد ::
وعليكِ السلام ورحمة الله وبركاته
كلنا الحمد لله تمــــــــــام
كان نفسنا تكـــــــوني فعلا معانا لكن قدر الله وماشاء فعل ربنا يوفقك ويكرمك بامتحاناتك ان شاء الله
ــــــــــــــــــــــ
اولا :: جزاكي الله خيرا علي اطرائك
ثانيــــا :: جزاكي الله خيرا مره تانيه علي مقترحاتك الرائعه بجد
أثَرتي تقريبا 4 نقاط
. . . . . . . . . . .. . . .. . . .
فبالنسبه لنقطة الاعلام فعلا محتاجين كتيـــر مش شوية ويمكن دا كان في البداية بنسبه جيده لكن حاليا
فعلا في تقصير كبير بالنقطه دي لظروفنا وظروف الامتحانات لكن بشكل عام احنا حاطين آلية عمل بحيث نعطي للنقطه دي خاصه حقها ....أكرمكِ الله
. . . . . . . . . . . . . . . . .
بالنسبة لنقطة الاتجاهات المختلفه بالفعل دا هدف رئيسي للرابطه ويمكن ناقشناه الاجتماع الي فات وتعمقنا فيه جامد لأن احنا شايفين انه اد ايه مهم اننا نجمع اتجاهات مختلفه ويبدأ كل واحد يكتشف كل اتجاه ويكون خلفيه عنه ونبدأ كرابطه بالاستفاده من كل ايجابيه في كل اتجاه ونحاول نلغي سلبياته ونبدأ نكون فكر جديد خاصه بينا "فكر همســات "..فكر فيه كل ايجابيه من كل اتجاه لأننا علي يقين تام ان اي اتجاه مهما ان كان ليه سلبياته وايجابياته ومن خلال المناقشات وتخليص جميع الاراء في نهايه كل اجتماع ومناقشتها هيتيح لكل حد فينا باذن الله احتواء الاخر ... كمان كنا اقترحنا بالاجتماع الاول ان يكون في الفقره السياسيه مناقشه فكر اتجاه معين ومن ثم طبعا نحاول نكتشف المنطقه المشتركه بينه وبينا ونحاول نفعلها .....باذن الرحمن .
. . . . . . . . . . . . . . . . .
اقتراح الجمعيات الخيريه اقتراح رائع وباذن الله بنحاول بيكون ليه اليه عمل منتظمه
. . . . . . . . . . . . . . . . . . . . . .
نقطه الارتقاء بفكر المدونات ..عن طريق الكتب الفكره دي فعلا طُرحت وكنت بدأت انظمها نوعا ما حتي اقترحت بعض الكتب الي شفتها فعلا هتساعدنا كتير .. ..
. . .. . . . . . .
العامل الي كان بيحكمنا فقط باول اجتماع كان العدد وباذن الله نحاول نبدأ تنفيذ المقترحات بعد تثبيت عدد معين
والله المستعان ......ربنا ييسر ان شاء الله ... وبنشكر كتـــــــــــــــــير علي المشاركه الاكثر من رائعه وسعدنا باتصالك يوم الاجتماع .. . . " ماكانش نفسي يكون موبيل بس "
وان شاء الله الاجتماع الجاي تنوريـــــــــــــــــــنا
جزاكي الله خير الجزاء ياقمر
وربنا يجعله بميزان الحسنات ودعواتك بان يرزقنا الله
التقــــــــوي والخشــــــوع والاخلاص والــــــــــــثبــات
. . . .
أخواتك فــي ::
(( همــ قلب واحد يجمعنا ــسات ))

((..همـ قلب واحد يجمعنا ـسات..)) يقول...

طالبـــة الفردوس ::

كفايه مشاركتك لينا ياقمر باتصالك

وان شاء الله ربنا ييسرلك ونتقدر نشوفك
وليكي عليا اعملك اجمد كارنيه عضوية
" لأ نعجبك بردوا اهم حاجه تكوني متكيفه " هههههه

أخلص النيه والعمل لله بس وان شاء الله ربنا يقدم الي فيه الخير بنتمني بجد تكوني معانا

وأحبكِ الله الذي احببتنا فيـــه

ربنا يجمعنا ع خير دايما يارب
ونورتــــــــــــينا كتـــــير
. . . . . . . . . .

أخواتك فــي ::
(( همــ قلب واحد يجمعنا ــسات ))

((..همـ قلب واحد يجمعنا ـسات..)) يقول...

د/ شاااا مخه::

نورتينـــــا كتــير ياقمـــر
حالت الجامعه بينا وبينك لكن يلا خير ان شاء الله

دعواتك كتيـــر لينا وان شاء الله الاجتماع الجاي بدون شد تكوني معانا

ربنا ييسر ان شاء الله
. . . . . . . . . . . . . .

أخواتك فــي ::
(( همــ قلب واحد يجمعنا ــسات ))

الزهراء يقول...

انا جييييييييييت يابنات الحمدلله والمرة دى بقا من على جهازى أخيرااتظبط (سامعة واحدة بتزغرت)
.........
كم كنا بشوق الى كل من لم تتمكن من الحضور (انتن فى قلوبنا )وكفانا دعواتكم وتواصلكم معنا وان شاء الله نلتقى جميعا قريبا ان لم يكن فوق الثرى فبجنة رب السماء
.........
وإلى كل من شاركت معنا أذكركم ونفسى بالإخلاص وتجديد النية دوما فهو شرط أساسى لقبول العمل ..ثانيا الحرص على رابطة الاخوة والمحبة بيننا وتقويتها

كل عام وانتم إلى الله أقرب وعلى طاعته أدوم ومن الجنة أدنى وعن النار أبعد

لا تنسونى من دعائكم فى هذه الأيام

أحبكن جميعا فى الله
الزهراء

Beram ElMasry يقول...

بناتى . ((..همـ قلب واحد يجمعنا ـسات..))
السلام عليكم ورحمة الله وبركاته اجمل التهانى بمناسبة عيد الاضحى المبارك اعاده الله عليكم وجميع الاهل بالخير والبركة ، وجعلنا واياكم من الملبين فى العام القادم
والسلام عليكم ورحمة الله

الازهرى يقول...

صديقاتى العزيزات

الاسماء التى حضرت الاجتماع تدل بالفعل على نجاح الفكرة لانهم جميعا من المتميزين للغاية
وطبعا كاننفسى اشترك لولا موضوع 6 جنيه فقط فان ازلتموها فساتحمس بشده

تحياتى وكل سنة وانتم طيبين

walaa rizk يقول...

معاكم ان شاء الله طالما فى الاجازه

وبجد نفسى ابقى معاكوا اووووووووووووووووووووووووووووووووووووووووووووووووووووووووووووووى

ومحدش يغيظنا بقى تانى لو سمحتوا

عشان معرفناش نجيى

ممكن تقبلونى معاكم فى الرابطه

انى احبكم فى الله

walaa rizk يقول...

معاكم ان شاء الله طالما فى الاجازه

وبجد نفسى ابقى معاكوا اووووووووووووووووووووووووووووووووووووووووووووووووووووووووووووووى

ومحدش يغيظنا بقى تانى لو سمحتوا

عشان معرفناش نجيى

ممكن تقبلونى معاكم فى الرابطه

انى احبكم فى الله

walaa rizk يقول...

معاكم ان شاء الله طالما فى الاجازه

وبجد نفسى ابقى معاكوا اووووووووووووووووووووووووووووووووووووووووووووووووووووووووووووووى

ومحدش يغيظنا بقى تانى لو سمحتوا

عشان معرفناش نجيى

ممكن تقبلونى معاكم فى الرابطه

انى احبكم فى الله

Beram ElMasry يقول...

الزهراء

فى مستهل العام الهجرى الجديد ادعو الله لكم وللاهل ، ان يجعله عام خير ورغد ، وان يحفظكم وجميع العرب من كل سوء ومكروه ، وان يسبغ علينا نعمة الامن والامان وكل عام وانتم بخير
بيرم المصري